Corona new Omicron variant : करोनाच्या नव्या ओमायक्रॉन व्हेरिएंटची ‘ही’ भयंकर लक्षणं घेऊ नका हलक्यात, या लोकांना आहे सर्वाधिक धोका!
Omicron |
कोविड-19 च्या ओमायक्रॉन प्रकाराने लोकांमध्ये पुन्हा एकदा दहशत निर्माण केली आहे. जागतिक आरोग्य संघटनेच्या (WHO) मते, हा नवीन प्रकार व्हायरसच्या वर्तनातच बदल करतो. या प्रकारामुळे दक्षिण आफ्रिकेसह भारतीय लोकांची चिंता वाढली आहे. हा नवीन प्रकार डेल्टा व्हेरिएंटपेक्षाही धोकादायक ठरू शकतो, असे तज्ज्ञांचे म्हणणे आहे. कमकुवत रोगप्रतिकारक शक्ती असलेल्या लोकांसाठी हे खूप धोकादायक आहे. संसर्गाची तीव्रता निश्चित करण्यासाठी जगभरातील तांत्रिक सल्लागार गट या नवीन प्रकारावर सतत लक्ष ठेऊन आहेत.
कोविड-19 च्या ओमायक्रॉन प्रकाराच्या प्रकरणांमध्ये झपाट्याने वाढ होत असतानाच अलीकडेच दक्षिण आफ्रिकेच्या तज्ज्ञांनी या नवीन प्रकारामुळे कोविड-19 या आजाराच्या रुग्णांमध्ये दिसणारी लक्षणे उघड केली आहेत. वेळीच त्याची लक्षणे जाणून घ्या आणि काळजी घेण्यास सुरूवात करा असा सल्ला त्यांनी दिला आहे. 24 नोव्हेंबर 2021 रोजी दक्षिण आफ्रिकेतून B.1.1.529 या प्रकाराबाबत प्रथमच WHO ला कळवण्यात आलं होतं.
ओमायक्रॉनची लक्षणे काय आहेत?
👉ओमायक्रोन व्हेरियंटची ही 3 प्रमुख वैशिष्ट्ये👈
डॉक्टर अँजेलिक कोएत्झी यांनी सांगितले की, ओमायक्रोन व्हेरिएंटची लक्षणे पूर्वीच्या स्ट्रेनपेक्षा वेगळी असू शकतात. ओमायक्रोनच्या मुख्य लक्षणांमध्ये थकवा, अंगदुखी आणि डोकेदुखी या रुग्णांमध्ये सर्वाधिक दिसून येत आहे. याशिवाय काही रुग्णांमध्ये अशक्तपणाच्या तक्रारीही आढळून आल्या आहेत.
ते पुढे की, आतापर्यंत एकाही रुग्णाने वास कमी होणं, चव कमी होणं, नाक जाम होणं आणि जास्त ताप येणे अशा तक्रारी नोंदवल्या नाहीत.
या वयातील लोकांना संक्रमित करत आहे हा व्हेरिएंट
ओमायक्रॉनपासून वाचण्यासाठी काय काळजी घ्यावी?
ओमायक्रॉनची सौम्य लक्षणं मात्र तरुणांना धोका अधिक, तज्ज्ञांचा दावा
ओमायक्रॉनची तपासणी कशी केली जाते?
करोनाच्या ओमिक्रॉन या प्रकाराच्या तपासणीबाबत सांगताना WHO नं सांगितलं की, सध्या SARS-CoV-2 PCR हा व्हेरिएंट पकडण्यात सक्षम आहे. नव्या व्हेरिएंटच्या पार्श्वभूमीवर भारतासोबत इतर अनेक देशही सतर्क झाले आहेत. दरम्यान, दक्षिण आफ्रिकेहून येणाऱ्या प्रवाशांना क्वॉरंटाईन करण्यात येणार आहे. तसेच त्यांनी चाचणी करणं बंधनकारक असणार आहे.
0 Comments